News
އެންމެ އަވަހަށްވެސް ސީޒަން ފަށަންވާނީ ސެޕްޓެމްބަރުގައި: ފީފާ މެޑިކަލް ޗީފް
29 އޭޕްރިލް 2020
ކޮރޯނާވައިރަސް ފެތުރުން ހުއްޓުވުމަށާއި، ކުޅުންތެރިން ދަނޑަށް ކުޅުޖަހައިގެން ރީންދޫ ކާޑު ދައްކާ މިންވަރު މަދު ކުރުމަށް، ސެޕްޓެމްބަރުގެ ކުރިން ފުޓްބޯޅަ ސީޒަން ފަށައިގެން ނުވާނެ ކަމަށް ފީފާގެ މެޑިކަލް ކޮމިޓީގެ ޗެއާމަން މައިކަލް ޑިހޫގް ވިދާޅުވެއްޖެއެވެ.
ސްކައި ސްޕޯޓްސްއަށް އަންގާރަ ދުވަހު ދެއްވި ބަސްދީގަތުމެއްގައި ޑިހޫގް ވިދާޅުވީ މިއީ ދެވަނަ ބޮޑު ހަނގުރާމައިގެ ފަހުން ދިމާވި އެންމެ އާދަޔާ ހިލާފު ދުވަސްތައް ކަމަށާއި،މިކަންތައް ލުއި ގޮތަކަށް ނަގައިގެން ނުވާނެ ކަމަށެވެ.
ޑިހޫގް މިވާހަކަފުޅު ދެއްކެވީ އަންނަ މަހު ބުންޑަސްލީގާ ފެށުމަށް މަސައްކަތް ކުރަމުންދާތީ އާއިޖޫންގައި ޕްރިމިއާ ލީގު ފެށުމަށް މަސައްކަތް ކުރަމުންދާތީ އެދެ މުބާރާތަށް އިޝާރާތް ކުރައްވައެވެ.
ޑިހޫގް ވިދާޅުވީ އެންމެ ބޮޑު އިސްކަމެއް ދޭންވީ ހަމައެކަނި ސިއްހަތަށް ކަމަށް ކަނޑައަޅަންވީ ހާލަތެއް އަންނާނެ ކަމަށާއި މިއީ އެހާލަތު ކަމަށެވެ. އެހެންކަމުން މިއީ ފައިސާއާއި މެދު ވިސްނަންވީ ވަގުތު ނޫން ކަމަށާއި، ދިރިހުރުމާއި މަރާއި މެދު ވިސްނަންވީ ވަގުތު ކަމަށެވެ.
ބެލްޖިއަމްގެ ފުޓްބޯޅަ މެނޭޖްކުރުމުގައި ކުރިން ހަރަކާތްތެރިވެވަޑައިގެންނެވި ޑިހޫގް ވިދާޅުވީ އިޖްތިމާއީ ގައިދުރުކަން ގެންގުޅުމަށް ސަރުކާރުން އަންގާފައިވާއިރު ކުޅުންތެރިން އެކަކު އަނެކަކާ ބައްދަލުވުން އަދި މާ އަވަސް ކަމަށެވެ.