އިއްޔެއާ ހަމައަށް ރަސްމީ ހިސާބުތަކުން ދައްކާގޮތިގައި ސްޕއިންގައި ކޮރޯނާވައިރަސް ޖެހިގެން 2،696 މީހުން ވަނީ މަރުވެފައެވެ. އަދި 40،000 އާއި ގާތްކުރާ އަދަދަކަށް ވަނީ މި ބަލި ޖެހިފައެވެ.
ގާޑިއޯލާގެ އިތުރުން ކްރިސްޓިއާނޯ ރޮނާލްޑޯ އާއި ލައޮނަލް މެސީވެސް ވަނީ ކޮރޮނާވައިރަހާ ދެކޮޅަށް ފަށާފައިވާ ކެމްޕޭނަށް 1 މިލިއަން ޔޫރޯ ހަދިޔާ ކޮށްފައެވެ.
ބައެއް ރިޕޯޓްތައް ބުނާގޮތުން މެސީ ވަނީ ދެ ހޮސްޕިޓަލަކަށް 1 މިލިއަން ޔޫރޯ ހަދިޔާކޮށްފައެވެ. އެ ދެ ހޮސްޕިޓަލަކީ ބާސެލާނެ ހޮސްޕިޓަލަކާއި މެސީގެ އަމިއްލަ ގައުމުކަމުގައިވާ އާޖެންޓީނާގެ ހޮސްޕިޓަލެކެވެ.
ކްރިސްޓިއާނޯ ރޯނާލްޑޯ 1 މިލިއަން ޔޫރޯ ހަދިޔާކޮށްފައިވަނީ ޕޯޓޯ އާއި ލިސްބަންގައި ކޮރޯނާވައިރަސް ޖެހިފައިވާ މީހުންނަށް ފަރުވާދޭ ތިން އައިސީޔޫ ޔުނިޓަކަށެވެ.
މިދިޔަ ހަފްތާގައި ބެޔާން މިއުނިކްގެ ފޯވާޑް ރޮބާޓް ލެވަންޑޯސްކީ ވަނީ ޖާމަނީގައި ކޮރޯނަވައިރަހާއި ދެކޮޅަށް ކުރާ މަސައްކަތަށް 1 މިލިއަން ޔޫރޯ ހަދިޔާކޮށްފައެވެ.