ތައި އިންޓަރނޭޝަނަލް ޔޫތު މުބާރާތައް މާޒިޔާގެ 12 އަހަރުންދަށުގެ ޓީމް ފުރައިފި

6 ޑިސެންބަރު 2019

ތައިލެންޑްގައި ބާއްވާ އިންޓަރނޭޝަނަލް ޔޫތު މުބާރާތުގައި ވާދަ ކުރުމަށް މާޒިޔާ އެކަޑަމީގެ 12 އަހަރުން ދަށުގެ ޓީމް ރޭ ތައިލެންޑަށް ފުރައިފިއެވެ. 

ތައިލެންޑްގައި މިމަހުގެ 7 އިން 8 އަކަށް ބާއްވާ މި މުބާރާތަށް މާޒިޔާ އެކަޑަމީގެ ޓީމުގައި ހިމެނެނީ 12 ކުޅުންތެރިންގެ އިތުރުން 5 އޮފިޝަލުންނެވެ. މާޒިޔާ ސްޕޯޓްސް އެންޑް ރެކްރިއޭޝަން ކްލަބަކީ ރާއްޖޭގައި މިހާރު އޮތް އެންމެ ކާމިޔާބު ކްލަބެވެ. އެކަޑަމީ އިން ފެށިގެން ޕްރިމިއަރ ލީގަށް ބަލާލި ނަމަވެސް މިހާރު ރާއްޖޭގައި އެންމެ ހަރުދަނާކޮށް ހިންގަމުންދާ އެއް ކްލަބަކީ މާޒިޔާއެވެ. 

12 އަހަރުންދަށުގެ ޗެމްޕިއަން މާޒިޔާ

މާޒިޔާ އެކަޑަމީ އިން ވަނީ މިއަހަރު އެފްއޭއެމް އިން ބޭއްވި 12 އަހަރުންދަށުގެ ލީގް ޗެމްޕިއަންކަން ވެސް ގައިފައެވެ. އަދި މާޒިޔާގެ 14 އަހަރުންދަށުުގެ ޓީމްވަނީ އިންޑިޔާގެ ޗެންނާއީގައި ބޭއްވި އިންޓަރނޭޝަނަލް ކަޕް އޮފް ޖޯއި ކާމިޔާބުކޮށްފައެވެ. 

އިންޓަރނޭޝަނަލް ޔޫތު ކަޕް ކާމިޔާބު ކުރި މާޒިޔާގެ 14 އަހަރުންދަށުގެ ޓީމް

ތައިލެންޑްގައި މި މަހު 7 އިން 8 އަކަށް މިބާއްވާ އިންޓަރނޭޝަނަލް މުބާރާތުގައި ރާއްޖޭގެ ޓީސީ އެކަޑަމީ އިން ވެސް ވަނީ ބައިވެރިވެފައެވެ. 

Maziya Academy

---