ފުރަތަމަ ޑީ-ލައިސަންސް ކޯޗިންގ ކޯހުގެ ނިމުން ފާހަގަ ކޮށްފި

25 ޖެނުއަރީ 2019

ފުރަތަމަ ޑީ-ލައިސަންސް ކޯހުގެ ނިމުން ފާހަގަ ކުރުމަށް އެފް.އޭ.އެމްގައި ރޭގައި ހަފްލާއެއް ބާއްވައިފިއެވެ.

ދިވެހި ސިފައިންގެ ކްލަބް (ޑީ.އެސް.ސީ) ގެ 28 ބައިވެރިންނާއެކު ކުރިއަށް ގެންދިޔަ މި ކޯހަކީ އެފް.އޭ.އެމްއިން އަލަށް ތައާރަފު ކުރި ކޯހެކެވެ. މިކޯހުގައި އިސްކޮށް ހުރެ އިރުޝާދު ދެއްވީ ޤައުމީ ޓީމްގެ އަސިސްޓަންޓް ކޯޗް އަހްމަދު ޝާކިރު (ޝަކިއްޓޭ) އެވެ. ތިން އިންސްޓްރަކްޓަރުންގެ ޓީމެއް އޭނާގެ ދަށުން މަސައްކަތްކުރި އިރު އަރލީ ޓަޗް ފުޓްބޯލް އެކެޑަމީގެ ތަޖުރިބާހުރި ކޯޗް ފެނާންޑޯއާއި ފޯކައިދޫ ޓީމްގެ އަލީ ނިސްތާރު މުހައްމަދު ވަނީ ޝާކިރާއި އެކީގައި މަސައްކަތް ކޮށްފައެވެ.

ދެވަނަ ޑިވިޝަންގައި މިއަހަރު ވާދަކުރާ ދިވެހި ސިފައިންގެ ކްލަބްއިން މިކޯހުގައި ބައިވެރި ވިއިރު ފާހަގަ ކޮށްލަންޖެހޭ ކަމަކީ ސިފައިންގޭގެ އެކި ޑިޕާޓްމަންޓްތަކުގެ މެދުގައި ބާއްވާ މުބާރާތްތަކުގެ އެކި ޑިޕާޓްމަންޓްތަކުގެ ޓީމްތަކަށް ކޯހުގެ ބައެއް ބައިވެރިން ދަނީ ހުނަރުވެރިކަމާއެކު ކޯޗުކަން ކުރަމުން ކަމެވެ.

މިހަފްލާގައި ވާހަކަ ދައްކަމުން ހަފްލާގެ ހާއްސަ މެހެމާނަކަށް ހުންނެވި ސިފައިންގެ ކޮމާންޑަރ ވަނީ ދިވެހި ސިފައިން މިފަދަ ކޯސްތަކުގައި ބައިވެރިވުމުގެ މުހިންމުކަމަށް އަލި އަޅުވާލާފައެވެ. އަދި ދިވެހި ސިފައިން ފުޓުބޯޅައިގައި ބައިވެރިވާ މިންވަރު މިހާތަނަށް އައި އިރު ދަށްކޮށް އޮތުމަކީ ހިތާމަހުރި ކަމެއްކަމުގައެވެ. މީގެއިތުރުން ސިފައިންގެ ކުޅުންތެރިއެއް ޤައުމީ ޓީމުގައި ކުޅޭނެ ދުވަހަކީ އެބޭފުޅާ ދެކެން ބޭނުންވާ ދުވަހެއް ކަމުގައެވެ. ކޯޗުގެ ބައިވެރިން ބުނިގޮތުގައި މިކޯހުން އެތައް ކަމެއް ދަސްވި ކަމަށާއި އަދި މިއަށްވުރެ މަތީފެންވަރުގެ ކޯޗިންގ ލައިސަންސް ކޯސްތައް ކުރިއަށް އޮތްތާނގައި ހެދުމަކީ އަމާޒެކެވެ. އިރުޝާދު ދެއްވި ބޭފުޅުން ބުނިގޮތުގައި މިފަދަ ކޯސްތަކަކީ ދިވެހިންގެ ތެރޭގައި ފުޓުބޯޅައަށް އޮތް ލޯބި އިތުރު ކުރުމަށް އެޅޭ އިތުރު ފިޔަވަޅެކެ. އަދި ކޯހާއި މެދު ހިތްހަމަޖެހޭ ވާހަކަ އިރުޝާދު ދެއްވި ބޭފުޅުންވެސް އަދި ބައިވެރިންވެސް ބުނެފައިވެއެވެ.

މިއީ މިއަހަރުގެ ފުރަތަމަ ހިންގުން މިފަދަ ކޯހެވެ. މ.ދިއަގަރުގައި ޑީ-ލައިސަންސްގެ ދެވަނަ ކޯސްވަނީ މިއަދު ހެނދުނު ފަށާފައެވެ. ތިން ދުވަހާއި ހަތަރު ދުވަހުގެ މުއްދަތަށް ކުރިއަށް ގެންދާ މިކޯސްތަކުގައި އިރުޝާދު ދެއްވާނެ ލައިސަންސް އޮތް 15 ކޯޗުން އެބަތިއްބެވެ. މިކޯސް ބޭއްވުމަށް އެފް.އޭ.އެމްގައި އެދުމުގެ ފުރުސަތު ވަނީ ސްކޫލްތަކާއި އޮފީސްތަކަށް އަދި އެހެނިހެން ފަރާތްތަކަށްވެސް ހުޅުވާލެވިފައެވެ.

Coaching-News DSC Towards Future

---